EK NAYI PARIBHASHA

drishtigat hai saargarbhit,
prashn ye jeevan-maran ka
sochti hun bhaav durlav japti kaise
ye man ki mankaa?

neer dekhe,nain machle
palkon ne kapaat giraaye
aur kuch ancheenhe manjar
drigpatal par avijit chaye..

yeh hai tera,wah hai mera
jeev-janjaal,maya ka phera
anguliyon pe hai nachaye
manav durbal ko jagat sanpera

attahash karta gagan hai
jab sochta jagat paribhasha
paridhiyon me baandhi jaa
sakti hai pratyek asha

mein khari choti pe uski
neeche bahe saagar maddham
muskurata soorya bhi
dekh,dhati-aakash ka milan

jab sochkar dekha ki kya hai
paya nahi kuch bhi naya
jab chood di kasti naiya me,
kinara naya mujhko mila

ab khush hun mein bhi,
prafful tum bhi dekhkar
mehsooshkar anant me ant

angaar pe aarudh vidyut
drutgati se kar gaman
ullas aur udwaig ka
adbhut kare hai prasphutan.